علق أحمد شوبير، حارس مرمى الأهلي ومنتخب مصر السابق، على غياب محمود صلاح لاعب الأهلي الشاب ومنتخب مصر محمود صلاح عن قائمة مباراة القمة أمام الزمالك.
وقال أحمد شوبير في تصريحات إذاعية: “عموتة استبعد محمود صلاح من قائمة مباراة القمة، وأنا سألت هل محمود صلاح مش جاهز قال لي لأ الولد جاهز طيب هل مصاب قالوا لي لأ الولد سليم، فمش عارف يعني”.
وتابع شوبير: “محمود صلاح استبعاده وجهة نظر فنية لعموتة، والولد سليم وجاهز بس عشان لعب مع منتخب الشباب الفترة اللي فاتت، طيب ده من باب أولى إنه ينضم يعني”.
وأوضح شوبير: “أنا أعبر عن إعجابي الفني بمحمود صلاح لاعيب كورة هايل بس أنا بقول له أهو يا محمود أنت ممكن تبقى واحد من أحسن اللاعيبة في مصر بس عايز دماغه تبقى مظبوطة وصح الصح والولد ده ممكن يكون مستقبل الكورة في مصر”.
وأضاف شوبير: “الفترة اللي جاية محمود صلاح لو حصل على فرصته هيكسر الدنيا، وهو لا يقل عن حمزة عبدالكريم بس نفسي يبقى فكره على قد موهبته الثقافة بتفرق يا جماعة جدا مع لاعيب الكورة”.