رحل المعد البدني محمد الشيحي رسمياً عن الجهاز الفني للفريق الأول لكرة القدم بالنادي الأهلي، وذلك قبل انطلاق منافسات الموسم الكروي الجديد، وفقاً لما أعلنه مساء أمس الأحد.
وكتب الشيحي عبر حسابه على موقع “انستجرام”: “أجلت البوست ده أكتر من شهر… يمكن لأني ماكنتش عارف أكتب إيه، أو يمكن لأني ماكنتش مستعد أقول إن 6 سنين انتهوا”.
وأضاف: ” بعد 6 سنين في الأهلي، المكان اللي بقى بيتي، وجزء كبير من حياتي… حان وقت بداية فصل جديد”.
وتابع: “6 سنين، أكتر من 18 بطولة، آلاف اللحظات، انتصارات وانكسارات، ضغط، تعب، ضحك، سفر، وتحديات، والأهم: ناس كتير أثرت فيا وخلتني الشخص والمدرب اللي أنا عليه النهارده”.
وأوضح: ” الأهلي علّمني إن مفيش سقف للطموح، وإن التفاصيل الصغيرة هي اللي بتصنع الفرق، أغادر وأنا ممتن وفخور بكل حاجة عشتها هنا، وبكل لاعب، مدرب، زميل، وإدارة كانوا جزء من الرحلة”.
وأردف: ” لكن دي مش نهاية الرحلة… بالعكس، دي مجرد بداية، لسه عندي كتير أقدمه، ولسه عندي أحلام أكبر، وتحديات جديدة مستنياني، والحمد لله… كل الخير جى في الطريق”.
واختتم: ” شكرًا يا أهلي على 6 سنين عمرهم ما هيتنسوا، والقادم، بإذن الله، أكبر. لسه نفسى طويل”.